Chuala mi 's mi là air sgrìob
Dà fheannaig bha ri bròn neo-bhinn
Is tè dhiubh gairm leis an dìth
"Cà 'n-diugh an tèid sinn shireadh bìdh?"

Tha thall air cùl a' ghàrraidh fhàil
Tighearn air ùr-chur chun a' bhàis
'S chan fhiosrach aon gu bheil e ann
Ach a chù, 's a sheabhag 's a chèile dhonn

Tha 'n cù air falbh a shealg an fhèidh
'S tha 'n t-seabhag an tòir air eòin an t-slèibh
Tha leannan eil' aig a chèile phòst'
'S nis teannamaid fhìn ri cuirm is ròic

Suidhidh tu fhèin air chàimh a chlèibh
Criomaidh mi fhìn a ghorm-shùil shèimh
Is càiridh a chùl òr-bhuidh' trom
Ar nead nuair bhios e cinntinn lom

Is mòr na chaoineas air a sgàth
Ach cha tig fios a bheò no bhàis
Is thar a chnàmhan loma, bàn
Bidh sèideadh gaoithe gu Là Bhràth