Te voglio n'ata vota 'int'a sti bbraccia.
Chello ca si' ch' 'mporta, ch'aggi''a fa?
Voglio chist'uocchie, voglio chesta faccia
addó' ce ride ògne felicitá.
Suonno d''a vita mia,
dimme pe' quala via
t'aggi''a vení a 'ncuntrá.
Torna!
'Sta casa aspetta a te.
Torna!
Che smania 'e te vedé!
E torna, torna, torna
ca, si ce tuorne tu,
nun ce lassammo cchiù.
Cu ciento desiderie 'e mala freva
'o specchio t'ha fernuto 'e arruviná.
Quanno partiste st'anema chiagneva
penzanno addó' putive capitá.
Dimme chi te trattene,
dimme qua' só' 'e ccatene
ch'aggi''a vení a spezzá.
Torna!
'Sta casa aspetta a te.
Torna!
Che smania 'e te vedé!
E torna, torna, torna
ca, si ce tuorne tu,
nun ce lassammo cchiù!
Tenha acesso a benefícios exclusivos no App e no Site
Chega de anúncios
Badges exclusivas
Mais recursos no app do Afinador
Atendimento Prioritário
Aumente seu limite de lista
Ajude a produzir mais conteúdo