[Camim d´América]

Oli-me na meio di mar
Ta sigui nha distino
Na caminho di América
El que triste dixá nha terra
Si mar é triste dixá nha mâi
Só bô bem morá na nha peito
Dixá-m bai pa ca morrê
Bai terra longe
E distino qui é nome
E distino se nome
Qui nô tem qui cumpri
Bai terra longe
E distino di nome
E distino se nome
Qui nô tem qui cumpri
Ess distino di meu
Bai pa´m dixá nha mâi

[Traz d´Horizonte]

Traz d´horizonte tem terra
Tem terra longe
Tem mar e céu
Na mar e céu tem Lisboa
Lisboa nha terra
Terra di nha cretcheu

Ó mar bô q´é nha amigo
T´má êss cartinha
Pa bô levá-m nha cretcheu
Ora qui bô ôtchá-l
Bô tá f´la´m êl
Q´má m´ta sinti sodade di longe
Dor di um paixão
Daquel amor qui bai Portugal

Ó mar levá-m um beijinho
Na flor di bô scuma
Di bô onda sagrada
Um bejo di filicidade
Q´é pa mantê
Ess nha sodade

[Amor e Sofrimento]

M´tem um sodade
Qui ta passeá-m
Na nha peito
Má m´ca sabê
Daquil q´é feito nha sodade
Lembrá-m um criola
Qui bai mar céu
El dixá-m ta sofrê
Sofrimento di cretcheu
Sodade que m´tem di bô

Ó criolinha
Nha pensamento
Nem qui mar v´rá tinta
Céu v´rá papel
U´m ca ta podê s´crevê
Sodade q´m tem di bô
O criolinha nha pensamento
Nem qui mar v´rá tinta
Céu v´rá papel
M´ca ta podê s´crevê

Ora qui lua ta passeá na céu
Ta parcê´m um dor
Q´m ti ta ôdjá nha cretcheu
Sodade más tcheu
Q´m tem di Duca... aquêl ingrata
Que bem estoviá-m nha coração